Masat shtrihen në të gjithë Shqipërinë / Rama: Nga e marta, perimetri i blinduar njësohet me kufirin e vendit! Po punohet edhe për skenarët e kthimit në normalitet
Të marten e gjithë Shqipëria do të vendoset në karantinë, duke aplikuar masat e këtyre ditëve në Tiranë e Durrës. Kjo u bë e ditur nga kryeministri Edi Rama që tha se masat për ndalimin e qarkullimit të mjeteve, mbyllja e lokaleve e restoranteve apo vendosja e kriterit të sigurisë për ambientet e punës, do të aplikohen në të gjithë territorin e vendit.
“Perimetri i blinduar do të njësohet me perimetrin e kufirit të Shqipërisë” tha kryeministri. Në vijim të komunikimit të tij, kryeministri evidentoi se po punohet edhe për skenaret e rikthimit në normalitet, duke i dhënë përgjigje në mënyrë indirekte edhe kërkesave që ka pasur për të marrë masa lehtësuese për bizneset që po vuajnë pasojat e masave të marra.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.