Mashtrimet me monedhat dixhitale – Në Britani në rritje, mashtruesit përdorin imazhet e personave të famshëm
Mashtruesit e kriptovalutave po përdorin imazhe të famshëm dhe adresat e të pasurve në Londër për të mashtruar konsumatorët, tha Autoriteti i Drejtimit Financiar të Britanisë.
Paralajmërimi, i bërë fillimisht në qershor të këtij viti, u ripranua në faqen e internetit të FCA ditën e premte. Kriptovaluta të tilla si Bitcoin dhe Etherum nuk janë të rregulluara në Britani dhe FCA tha se ka regjistruar një numër në rritje të mashtrimeve të investimeve që pretendojnë të ofrojnë kthime më të larta investimesh.
Sipas FCA-së, konsumatorët e Britanisë së Madhe janë duke raportuar gjithnjë e më shumë mashtrime të investimeve të lidhura me kriptovaluatat.
“Mashtruesit e monedhave dixhitale priren të reklamojnë në mediat sociale shpesh duke përdorur imazhet e personave të famshëm për të promovuar investimet e tyre në kriptovaluta”, thuhet më tej në një deklaratë të Autoritetit.
Por, nisur nga fakti se kriptovalutat nuk janë të rregulluara në Britaninë e Madhe, konsumatorët nuk mund të marrin mbrapsht paratë e tyre dhe nuk mund të mbrohen nga Skema e Kompensimit të Shërbimeve Financiare.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.