Maska në transportin publik të Londrës / Do të vazhdojnë detyruese, pavarësisht zbutjes së masave kombëtare
Maskat do vazhdojnë të jenë të detyrueshme në rrjetet e transportit publik në Londër pas datës 19 Korrik, sipas krye bashkiakut të qytetit, ndërkohë që qeveria e Boris Johnson planifikon të heqë shumicën e kufizimeve të Covid nga ajo datë, pavarësisht rritjes së rasteve. Në ambientet e brendshme, njerëzit priten të vendosin maska, por nuk janë të detyruar me ligj. Në kryeqytet, operatori i Transportit të Londrës, që drejtohet nga kryebashkiaku Sadiq Khan i partisë Laburiste, do vazhdojë të kërkohet vendosja e maskave në autobusë, trena dhe pjesë të tjera të sistemit tranzit, për të frenuar infeksionet.
Ndërkohë që qeveria ka përmendur fushatën e shpejtë vaksinimit në vend, që ka thyer lidhjen mes infeksioneve dhe sëmundjes së ashpër apo vdekjes, disa shkencëtarë kanë bërë thirrje për kujdes më të madh, ndërkohë që infeksionet ditore mund të arrijnë 100,000. Përdorimi i metrove qëndron në rreth 40-45% të niveleve të para pandemisë, ndërsa për autobuzët, në 60-65%.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.