MASR, 700 milion lekë për transportin – Përfitojnë 32 mijë nxënës dhe 12 mijë mësues
Ministria e Arsimit, Sportit dhe Rinisë ka parashikuar një fond prej 650 deri në 700 milion lekë në vit për të shpenzuar për transportin e nxënësve. Kjo është një ndër objektivat me përparësi të kësaj ministrie e cila në buxhetin e saj do të mbuloj shpenzimet për rreth 32 mijë nxënës që kanë vendbanimi mbi 2 km nga institucioni ku zhvillojnë mësimin.
Në këtë fond është parashikuar po ashtu edhe mbulimi i shpenzimeve për mësuesit të cilët zhvillojnë mësimin në shkolla të cilat janë mbi 5 km larg vendbanimit të tyre. Transport falas pritet të përfitojnë rreth 12 mijë mësues në mbarë vendin . kjo shumë sipas ministrisë së arsimit, do të vihet në dispozicion çdo vit për të lehtësuar transportin për këto kategori .
Por veç mbulimit të shpenzimeve për lëvizjen e mësuesve në buxhetin e MASR është parashikuar një fond edhe për të siguruar trajnimin e tyre . Sipas këtij institucioni janë 80 milion lekë të cilat do të shpenzohen çdo vit për trajnime të 10 deri në 15 % të punonjësve mësimorë të arsimit para-universitar .
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.