Mbërrijnë 100 mijë doza të tjera, ministrja Manastirliu: “Me një ditë vonesë”, Ahmetaj: “Po negociojmë dhe për vaksina ruse”

Ashtu siç kishte paralajmëruar edhe ministrja e Infrastrukturës dhe Energjisë, Belinda Balluku, sot kanë ardhur 100 000 mijë doza të tjera SinoVac nga Turqia.

Kjo është edhe ulja e parë që bëhet në Rinas pas grevës së urisë nga kontrollorët e trafikut ajror.

Ministrja Manastirliu është shprehur se këto doza kanë ardhur një ditë me vonesë, ndërkohë që vonesa nuk ndërpret sipas sij vaksinimin masiv që po zhvillohet.

“Më të vendosur se kurrë për të vazhduar me ritme të larta vaksinimin masiv dhe për të garantuar një sezon turistik të lehtësuar e me të ardhura të larta për Shqipërinë”, shkruan Ministrja Ogerta Manastirliu.”

I pranishëm në aeroportin e Rinasit, Ministri Arben Ahmetaj tha se asgjë nuk do ta ndalojë objektivin për vaksinimin e 500 mijë shqiptarëve deri në qershor, ndërsa shtoi se javën që vjen, të hënën ose të martën, do të vijnë edhe 100 mijë doza të tjera të vaksinës kineze.

Ai shtoi po ashtu se ka marrë autorizimin për të negociuar edhe për 50 mijë doza të vaksinës ruse, Sputnik V, që pritet të vijnë në javët në vijim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.