Mbërrijnë të tjera doza vaksine – Manastirliu: Kemi imunizuar 1400 personel shëndetësor dhe 400 të moshuar

8190 doza të vaksinës së Pfizer pritet të mbërrijnë të hënën, si pjesë e kontratës së nënshkruar nga qeveria shqiptare. Gjithçka u bë me dije nga ministrja e Shëndetësisë, Ogerta Manastriliu, e cila ndër të tjera iu përgjigj edhe kritikave për numrin e ulët të vaksinimeve.

Deklaratat e ministers u bënë gjatë diskutimeve në Kuvend për miratimin e marrëveshjes së dhurimit me shtetin turk për ndërtimin e Spitalit të Fierit, që sipas Manastirliut do të punësojë 380 personel shëndetësor dhe mbështetëse.

Spitali i Fierit do të jetë i nivelit terciar, duke ofruar shërbim  të specializuar në disa fusha, përfshirë, kardiologjinë, kardiokirurgjinë, nefrologjinë, gastrohepatologjinë, etj.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.