Mbështetja për fermerët, Panariti: Heqim taksat dhe zërojmë TVSH për inputet bujqësore
Panariti, në vijim të turit të takimeve, shpalosi programin e LSI për 4 vitet e ardhshme, edhe para banorëve të fshatit Plasë, të bashkisë Maliq.
Panariti e vuri theksin mbi mbështetjen që do t’i japë Lëvizja Socialiste për Integrim, zhvillimit të bujqësisë në 4 vitet e ardhshme, “si një nga shtyllat e ekonomisë shqiptare”.
“Bujqësia në këto vite është lënë në harresë dhe fondet kanë shkuar për te ndërtuar pedonale, për palma e vetëm për qytetin, duke lënë në harresë fshatin, fermerët dhe bujqësinë. Programi i LSI për bujqësinë është shumë konkret dhe ka në qendër të vëmendjes fermerin, fuqizimin e bujqësisë, rritjen e prodhimit vendas, mbrojtjen e tij. Por, kjo mund të behet vetëm me programin e LSI, i cili do te heqë taksat për 4 vitet e ardhshme për bujqësinë, për fermerët. Do të bëjë zero taksat dhe TVSH për farat, imputet bujqësore dhe makineritë. Vetëm ne këtë mënyrë, mund të ndihmojmë fermerin”, deklaroi Panariti.
Me tej, Panariti, foli edhe për heqjen e taksës për pagat deri në 35 mijë lek, ndërkohë që rritja e pensioneve, trajtimi i moshës së tretë në mënyrë dinjitoze, është një nga objektivat e LSI.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.