“Mbështetje për biznesin e vogël”, Basha: Do të jemi qeveri në krahun e njerëzve që punojnë
Kreu i Partisë Demokratike Lulzim Basha ka takuar përfaqësues të biznesit të vogël në Tiranë duke u njohur me vështirësitë në këtë periudhë pandemie. Tregtarët ankohet për rënie të fuqisë blerëse duke sjellë jo vetëm pasoja për vetë biznesin me rënien e konsumit, por edhe për rritjen e papunësisë për shkak të reduktimit të punonjësve.
“Xhiroja bëhej afërsisht 500 në turn ndërsa tashmë bëhet totale në këtë shumë. Ka rënë vërtet shumë dhe produktet që shisnim më shumë ishin produktet e bulmetit dhe lëngjet.”
Basha e vuri theksin tek pasojat e kësaj krize dhe mungesën e ndihmës nga ana e qeverisë për biznesin, ai garantoi ndryshim të situatës sapo PD të vij në pushtet . Kreu i PD bëri thirrje qytetarëve që të blejnë produktet shqiptare
“Paratë e taksave të shqiptarëve sot nuk mund të shpenzohen në asnjë vend tjetër më mirë se sa ti jepen shqiptarëve, sepse kriza ekonomike ka 7 vite që rëndohet ndërsa tani në pandemi është akute për të siguruar ushqimet bazë për njerëzit dhe nuk ka vend më të mirë për ta siguruar se sa për të blerë produktet e Shqipërisë dhe fermerëve të saj.” – deklaroi Lulzim Basha.
Kreu i PD përsëriti planin e kësaj force politike për të ndihmuar familjet dhe biznesin për tu rimëkëmbur.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.