Mbështetje për minatorët – Basha: Pasuritë dhe asetet do t’u kthehen qytetarëve

Lulzim Basha ka njohur banorët e Klosit dhe Bulqizës me programin e tij ekonomik, që rrit konsumin, rrit prodhimin, krijon vende të reja pune.

Lulzim Basha bëri të ditur se me të ardhur në pushtet, ai do të heqë menjëherë taksën e naftës, 240 lekë për litër, çka do të ndikojë në uljen e çmimit. Gjatë një bisede me minatorë të papunë, Basha premtoi se pasuritë dhe asetet do t’i kthehen vendit dhe qytetarëve, dhe s’do të jenë në dy tre duar oligarkësh.

Basha i bëri të qartë pronarëve të bizneseve të vogla se plani i tij ekonomik për ulje taksash do të lërë më shumë para në xhepat e shqiptarëve, do të rrisë konsumin, do të ndezë ekonominë duke rritur prodhimin e krijuar vende të reja pune.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.