Mbi 1300 familje, ende në çadra – Rindërtimi/ Ahmetaj: Nuk pranojnë të lëvizin, presim efekte në punësim dhe ekonomi
Ndërsa ka kaluar një vit nga tërmeti shkatërrimtar i 26 Nëntorit, mbi 1300 familje vijojnë të jetojnë ende nëpër çadra. Ndërsa bëri një prezantim të ecurisë së procesit të rindërtimit në Komisionin e Ekonomisë, Ministri Arben Ahmetaj theksoi se pavarësisht se këtyre familjeve u është dhënë bonus qiraje, nuk kanë pranuar të lëvizin për shkak të tokave dhe bagëtisë. Ministri Ahmetaj bëri me dije se për vitin e ardhshëm fondi për rindërtimin do të jetë 28 miliardë lekë, ndërsa i ktheu përgjigje deputetëve lidhur me cilësinë e ndërtimeve që po kryhen në banesa individuale.
“Këto ndërtesat qe po inauguroni duken si kioska shtëpi dhe si vihet rëndësi mënyrës si bëhen themelet dhe nuk garantojnë qëndrueshmëri”. Edhe ata ne çadra e marrin bonusin e qirasë dhe nuk lëvizin Shtëpitë individuale nuk janë kioska por përballojnë tërmet 9 ballë”.
Sa i takon efekteve të këtij procesi në punësim, Ahmetaj theksoi se indirekt do të ndikojë në 27 mijë vende pune. “Efekte indirekte ne punësim 27 mije vende pune. Impakti ne ekonomi per shkak te rindërtimit rënia ekonomike do jete me e ulet se e planifikojnë institucionet ndërkombëtare”.
Lidhur me ecurinë e procesit, Ministri i Shtetit për Rindërtim bëri gjithashtu të ditur se punimet me fondet e buxhetit po ecin me ritme shumë më të shpejta se ato që mbulohen nga donatorët. “S’jam i kënaqur me ecurinë e punimeve te donatoreve por jam i kënaqur me vënien ne dispozicion te granteve. Jane vetëm dy vende qe skam mbyllur, Greqia dhe Kroacia.”
Sa i takon shtëpive individuale, Ahmetaj informoi se ka vështirësi në terrene të caktuara për të ndërtuar modelin dhe për këtë arsye do bëhet një ndryshim në vendim, që përmes bashkive, familjeve t’u jepet në dorë shuma totale për model, që ta ndërtojnë vetë. Në total janë 260 shtëpi.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.