Mbi 20 mijë të punësuar në 8 muaj – Kryeson qarku i Tiranës, në qarkun e Dibrës vetëm 597 persona
Në tetë muaj numri i të punësuarve në të gjithë vendin kalon shifrën e 20 mijë, ku numrin më të lartë të të punësuarve e mban qarku i Tiranës dhe i Durrësit. Sipas shifrave të Shërbimit Kombëtar të Punësimit, të publikuara nga kryeministri Rama, qarku me më pak të punësuar rezulton ai i Dibrës, me vetëm 597 të punësuar.
Konkretisht, në Qarkun e Tiranës janë punësuar 4.406 persona dhe konkretisht në Tiranë 3 932 të punësuar dhe Kavajë 474.
2.933 është numri i të punësuarve në qarkun e Durrësit, ku sipas zyrave të punës në Durrës janë punësuar 2552 persona dhe në Krujë 381.
Në qarkun e Elbasanit janë punësuar 1284 persona dhe konkretisht në qytetin e Elbasanit 731, në Gramsh 246, në Librazhd 191 dhe në Peqin 116 të punësuar.
Në Qarkun e Beratit janë punësuar gjatë muajve janar-gusht 1298 persona, ku në qytetin e Beratit kemi të punësuar 666, në Kuçovë 179 dhe Skrapar 453 të punësuar.
Edhe për Qarkun e Fierit numri i të punësuarve gjatë kësaj periudhe arrin në 2300, dhe konkretisht në Fier kemi 1303 të punësuar, në Lushnje 782 dhe Mallakastër 215.
Në Qarkun e Korçës, 1721 të punësuar dhe konkretisht 934 në Korçë, në Devoll 131 Kolonjë 134 dhe Pogradec 522.
Në qarkun e Vlorës 2183 të punësuar, ku në Vlorë janë punësuar 1430 persona, në Delvinë 119 dhe në Sarandë 634.
Në Qarkun e Gjirokastrës janë punësuar 713 persona, dhe konkretisht në qytetin e Gjirokastrës kemi 367 të punësuar, në Përmet 264 dhe Tepelenë 82.
Qarku Dibër janë punësuar 597 persona, konkretisht në Dibër 150, Bulqizë 283 dhe Mat 164.
Po nga zyrat e punës edhe në Qarkun e Kukësit numri i të punësuarve arrin në 800, përkatësisht 483 të punësuar në qytetin e Kukësit, në Has 205 dhe Tropojë 112 të punësuar.
Në qarkun e Lezhës 900 të punësuar dhe konkretisht në Lezhë 488, në Kurbin 226 dhe Mirditë 186.
Në qarkun e Shkodrës janë punësuar gjatë këtyre 8 muajve 1629 të punësuar, dhe konkretisht në Shkodër 1224 në Malësinë e Madhe 233 dhe në Pukë 172.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.