Mbi 3 milionë të papunë në vetëm një javë! SHBA vuan pasojat ekonomike të COVID-19
Numri i personave që paraqitën kërkesa për sigurim papunësie në SHBA javën e kaluar u rrit në një nivel rekord, ndërsa pandemia koronavirus shkurton vende pune në të gjithë vendin.
Niveli i papunësisë në SHBA për javën që përfundon më 21 Mars arriti në 3,283,000, raportoi të enjten Departamenti i Punës, duke tejkaluar parashikimin prej 1.5 milion. Kjo u rrit nga 281,000 që ishte në javën e kaluar.
Numri i paparë i kërkesave të papunësisë tregon dëmin e jashtëzakonshëm që pandemia koronavirus po i shkakton ekonomisë amerikane. Ndërsa vendi garon për të frenuar përhapjen e tij, shtetet kanë hyrë në bllokim, duke dërguar punëtorë në shtëpi, duke inkurajuar distancimin shoqëror dhe duke mbyllur shkolla, restorante dhe fabrika.
D.B – SCAN
Burimi: Business Insider
https://www.businessinsider.com/us-weekly-jobless-claims-record-coronavirus-unemployment-insurance-labor-recession-2020-3
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.