Mbi 500 miliardë euro për vendet anëtare – BE miraton paketën e ndihmës së menjëhershme
Bashkimi Europian ka rënë dakord për një paketë ndihme prej më shumë se gjysmë trilionë eurosh për të ofruar mbështetje të menjëhershme për vendet anëtare, ekonomitë e të cilave janë shkatërruar nga shpërthimi i Koronavirusit.
“Ne miratuam marrëveshjet për tre rrjeta të rëndësishme të sigurisë për punëtorët, bizneset dhe sovranët, në vlerë prej 540 miliardë euro,” tha Presidenti i Këshillit Europian Charles Michel.
“Ne bëjmë thirrje që kjo paketë të funksionojë deri më 1 qershor 2020. Ne gjithashtu pranuam të punojmë drejt një fondi të rimëkëmbjes i cili është i nevojshëm dhe urgjent.”
Është diskutuar gjithashtu një plan më afatgjatë i rimëkëmbjes, por BE po has vështirësi të arrijë një marrëveshje mbi shpërndarjen e borxheve, me vendet e Europës veriore, si Holanda dhe Gjermania, që nuk kanë dëshirë të ndajnë shumë borxhe nga frika se mos në fund i mbetet atyre të paguajnë më shumë edhe për të tjerët. (Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.