Mbledhja e Këshillit Bashkiak – Veliaj: Shpërblime për zjarrfikësit. Rriten të ardhurat nga taksat
Të gjithë punonjësit e shërbimit zjarrfikës në kryeqytet do të marrin një pagë shpërblim dhe një pagesë shtesë prej 25% për punën e kryer jashtë orarit zyrtar.
Veliaj deklaroi në mbledhjen e Këshillit Bashkiak se propozimi i tij vjen si rrjedhojë e punës së mirë të bërë nga Drejtoria e Mbrojtjes dhe Shpëtimit duke arritur të përballojë me sukses të gjitha vështirësitë e krijuara si rezultat i zjarreve të shumta të rëna nga temperaturat e larta.
Më tej Veliaj ka lajmëruar se do të përjashtohen nga taksa e pastrimit dhe e infrastrukturës administratorët e pallateve dhe fermerët individualë.
Ndërkohë që javën që vjen do të licencohen edhe 500 administratorë të tjerë pallatesh.
Një tjetër fakt i bërë publikë gjatë mbledhjes së Këshillit Bashkiak është edhe vendosja e tarifës simbolike për lodrat tek liqeni, tarifë kjo që do të shkojë për mirëmbajtjen e parkut.
Referuar mbledhjes së të ardhurave nga taksa e ndërtimit Veliaj ka njoftuar se edhe pse ka patur më pak leje ndërtimi të dhëna të ardhurat nga kjo taksë janë rritur me 23%.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.