Mbledhja e Këshillit të Sigurisë Kombëtare – Meta: Bashkëveprim dhe koordinim midis të gjitha institucioneve për përballimin e emergjencës
Pas njoftimit të një dite më parë, kreu i shtetit ka mbledhur Këshillin e Sigurisë Kombëtare. Në një postim në Facebook, Presidenti i vendit Ilir Meta ka dhënë detaje rreth asaj çfarë është diskutuar. Meta në postim e tij thotë se është diskutuar për reagimin e institucioneve ndërsa ka kërkuar që prokuroria të çojë përpara hetimet dhe të vendosë para përgjegjësisë penale ata që rezultojnë përgjegjës.
“Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë.
E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.
Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm.Diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë”, është shprehur Meta.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.