Mblidhet Komiteti i Sigurisë, kryeministri: S’ka asnjë rast. Shtëpia e pushimit e Ministrisë së Mbrojtjes, karantinë, nëse do të jetë e nevojshme

“Në rastin e parë të vendosjes së karantinës, ne kemi përcaktuar disponimin e strukturave akomoduese Shtëpia e Pushimit e Ministrisë së Mbrojtjes në zonën e Durrësit ku me OBSH është konstatuar përmbushja e të gjitha kushteve dhe garancia për siguri të plotë. Shërbimi i sëmundjeve infektive në QSUT dhe spitali “Shefqet Ndroqi” kanë në gatishmëri bokse, dhoma izolimi për nevoja terapie intensive”.

Ka qenë kjo deklarata e kryeministrit Edi Rama në mbledhjen e Komitetit Kombëtar të Sigurisë. Kryeministri tha se në Shqipëri nuk ka asnjë rast të konfirmuar të koronavirusit dhe se urgjenca ka marrë masat për të përballuar mbi 5 mijë thirrje në ditë, kur  momentalisht janë 1700 të tilla.

Kryeministri tha se të gjitha strukturat shtetërore kanë qenë dhe janë në gatishmëri për të evidentuar dhe përballuar ccdo situatë. Rama bëri apel që të tregohet kujdes me informacionet duke kërkuar që informimi të bëhet përmes kanaleve zyrtare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.