Mblidhet Konferenca e Kryetarëve – Raundi i katër për Presidentin nesër në orën 17:00
Pas thirrjes së bërë nga kreu i grupit parlamentar, Ruçi për zhvillimin e Konferencës së Kryetarëve për mbajtjen e raundeve të fundit për zgjedhjen e Presidentit të ri, Kuvendi njoftoi se është caktuar raundi i katër për këtë proces.
Konkretisht, në faqen e Kuvendit thuhet se u mblodh Konferenca e Kryetarëve dhe raundi i katër për Presidentin është caktuar të mbahet nesër në orë 17:00.
“Bazuar në urdhrin nr. 39, datë 27.4.2017 të Kryetarit të Kuvendit Ilir Meta dhe në vendimin nr. 10, datë 27.4.2017 të Konferencës së Kryetarëve, rendi i ditës është si më poshtë vijon: Për zhvillimin e votimit të katërt për zgjedhjen e Presidentit të Republikës. (neni 87, 88 të Kushtetutës, neni 109 Rregullore Kuvendi, votim me shumicë të cilësuar me 3/5 e të gjithë anëtarëve të Kuvendit)”, thuhet në rendin e ditës për seancën e nesërme në Parlament.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.