Mblidhet Kongresi i PS – Programi i qeverisë, 220 mijë vende të reja pune. Rritje pagash 40%
Mirëqenie dhe zhvillim, ky ishte premtimi i kryeministrit Edi Rama nga qyteti i Durrësit ku u mbajt kongresi i Partisë Socialiste. Gjatë fjalës së tij, kreu i qeverisë bëri një ekspoze të katër viteve qeverisje duke siguruar se mandatin e ardhshëm qeveria që ai drejton do të bëjë akoma më shumë.
Më herët gjatë prezantimit të programit të PS ministri i Financave Arben Ahmetaj premtoi ulje të borxhit publik nën 60%, rritje pagash me 40% dhe rritje të pagës minimale deri në 30%.
Ndërkohë Ministria e Ekonomisë Milva Ekonomi foli për zhvillimin e turizmit dhe nxitjen e investimeve të huaja. Dyfishimi i buxhetit për ndihmën ekonomike ishte premtimi i radhës nga Ministria e Mirëqenies sociale Olta Xhaçka.
Në fjalën e mbajtur në hapjen e kongresit, deputeti Erion Braçe nënvizoi se angazhimi i qeverisë është për të hapur deri në fund të mandatit tjetër 220 mijë vende të reja pune.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.