Mbretëria e Bashkuar shtrëngon masat/ Shkak frika ndaj numrit të vdekjeve
Parashikimet se një çerek milioni njerëz do të vdesin nga “epidemia katastrofike” e koronavirusit shkaktoi jo pak shqetësim në Mbretërinë e Bashkuar. Ky paralajmërim erdhi fill pasi shkencëtarët dhe Organizata Botërore e Shëndetit kishin bërë publik rreziqet e mosveprimit për të ndaluar virusin.
Dëshmia thelbësore e provave erdhi nga shkencëtarët në Imperial College London të cilët, të cilët kuptuan së pari, shkallën e problemit në Kinë duke dhënë këshilla për qeveritë që të merrnin masa.
Ata parashikuan tri strategji:
1. Masa drastike presionuese
Kjo nënkupton kufizim masiv të jetesës sociale, në përpjekje për të ndaluar në mënyrë efektive ndalimin e epidemisë duke pasur vetëm një numër të vogël të prekurish.
2. Zbutje e masave
Duke pranuar që ky është një virus i panjohur për shkencën por dhe për trupin e njeriut, paniku do të ulet ndjeshëm. Kështu do keni mundësi që në një formë të ngadaltë të parandaloni përhapjen e Covid-19 në mënyrë masive si dhe të përpiqeni që të mbroni ata të cilët janë më të rrezikuar nga prekja e tij.
3.Mos bëni asgjë – dhe lini që virusi të përhapet nëpër popullatë
Më herët gjatë javës, Këshilltari kryesor shkencor, Patrick Vallance, shpjegoi planin e zbutjes së masave për BBC-në.
“Qëllimi ynë është të përpiqemi dhe të zvogëlojmë numrin e të prekurve nga ky virus dhe jo zhdukjen e tij.’’– është shprehur Vallance.
Nëse zbutja do të funksiononte, do të shmangte masat më drastike që vendet e tjera kanë përdorur dhe ndërtuar imunitet, i cili do të ndihmonte në kufizimin e përhapjes së koronavirusit. Zbutja përfshin disa strategji në distancë sociale, ndërsa shtypja rrit ato masa, përfshirë kufizimin e mundshëm të lëvizjes dhe rritjen e periudhave të izolimit.
Kjo strategji, parashikonte se nëse Mbretëria e Bashkuar nuk do të merrte asnjë masë lidhur me këtë gjendje, 81% e njerëzve do të infektoheshin dhe 510,000 do të vdisnin nga koronavirusi deri në gusht.
Rreth 30% e rasteve që përfundojnë në spital pritet të kenë nevojë për kujdes intensiv, siç janë ventilatorët ose makinat ECMO, të cilat marrin përsipër punën e frymëmarrjes nga mushkëritë.
Analiza vlerësoi se kufijtë e kujdesit intensiv do të “tejkaloheshin së paku tetëfish” edhe nën planet më optimiste të zbutjes.
Raporti përfundon duke deklaruaar, se vetëm strategjia e parë është e zbatueshme në kushtet në të cilat ndodhet Britania e Madhe, për momentin, duke shpresuar se në këtë formë vdekjet mund të kufizohen në mijëra ose dhjetëra mijëra.
Ndërkohë qeveria ka thënë gjithmonë se po ndjek shkencën dhe shkenca paralajmëron se duhet të shkëputemi për disa kohë nga jeta sociale, duke lënë pas klubet, teatrot, punës (duke punuar nga shtëpia për të gjithë ata që munden) si dhe të izolohen në shtëpi nëse ndonjë prej familjarëve sëmuret.
Padiskutim, që ky skenar vjen së bashku me pasojat e tij, dukë përfshirë këtu mbylljen e mjaft aktiviteteve të cilat do të hasin vështirësi në luftën për të mbijetuar ndaj kësaj gjendjeje.
Ndër të tjera, në raport thuhet se mund të duhet të presim 18 muaj për një vaksinë, por edhe kjo nuk është e garantuar. Ky virus u shfaq vetëm në dhjetor dhe shkencëtarët ende po përpiqen ta kuptojnë plotësisht strukturën e tij. Shkalla dhe roli i infeksioneve asimptomatike ose moti i verës në pandemi nuk dihet ende.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.