Mosbesimi tek shëndetësia – Një në dy shqiptarë janë dyshues për shëndetin publik
Transparenca dhe llogaridhënia në Shëndetin Publik shqiptar janë të rëndësishme aq më shumë kur qytetarët kanë një perceptim për një shkallë të lartë korrupsioni në këtë sektor.
Sipas të dhënave më të fundit një në dy shqiptar nuk ka besim tek shëndetësia publike. Për të ndryshuar perceptimin por edhe gjendjen në këtë sektor Ministria e Shëndetësisë ka organizuar një konferencën me fokus futjen e sistemit informativ shëndetësorë.
Ambasadori i Italisë në Shqipëri, Alberto Cutillo, prezent në këtë aktivitet u shpreh se “Analiza e kostove sipas DRG-ve ka një potencial veçanërisht të madh për përsosjen e shërbimeve spitalore, duke mundësuar maksimizimin e produktivitetit të shërbimeve shëndetësore, përmes futjes së një sistemi të ri të Informimit Shëndetësor, në bazë të një programimi më efektiv të shpenzimeve shëndetësore të spitaleve”.
Ndërsa Ministri i Shëndetësisë është ndalur tek shpenzimet nga xhepi të shqiptarëve për shëndetësinë. Duke ju referuar anketës së buxheteve familjare në 2015, rezulton se shqiptarët kanë shpenzuar 50 milionë euro më pak se në 2014. Sa i përket anketave për besimin që kanë shqiptarët tek shëndetësia publike, rezulton që të jetë 50 për qind.
Shifër kjo që të lë të kuptosh se në sektor ka ende për t’u bërë në një kohë kur një në dy shqiptarë nuk ka besim tek shëndetësia.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.