Mbyllet Panairi i Aftësive 2017, Xhaçka: Krijon hapësira të reja bashkëpunimi mes shkollave dhe biznesit
Është mbyllur gjatë ditës së sotme Panairi i Aftësive 2017 me 5000 studentë që ekspozuan punimet dhe kualifikimet e tyre, përballë 10 mijë vizitorëve që ndoqën këtë panair.
Aktiviteti nisi me pedalimin e ministres së Mirëqenies Sociale Olta Xhaçka me nxënësit e arsimit profesional dhe vullnetarë të EcoVolis, nga Ministria deri tek ambientet ku mbahej panairi.
Udhëtimi 12 km i ministres Xhaçka me të rinjtë, në një mënyrë simbolizonte vështirësinë për rimëkëmbjen e Arsimit Profesional, për të cilin vihet vullnet dhe përkushtim që të rezultojë i suksesshëm.
Ministrja Xhaçka shpërndau çmimet dhe kupat e fituesve të këtij panairi, mes brohoritjeve dhe tifozerive të shkollave, duke e cilësuar këtë moment, si të paharrueshëm.
Osman Dedja/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.