Më pak fonde për shëndetësinë – Rënie e shpenzimeve, në raport me PBB-në. Qeveria do i blejë vetë vaksinat deri në 2024-ën
Fondet buxhetore për Ministrinë e Shëndetësisë dhe Mbrojtjes Sociale parashikohet të pësojnë rënie gjatë periudhës 2022-2024, në raport me Prodhimin e Brendshëm Bruto. Sipas Programit buxhetor afatmesëm, shpenzimet totale buxhetore për këtë dikaster për vitin 2021, janë 4.25% e PBB-së, ndërkohë që për vitin 2022 do të jenë në masën 3.66%, në 2023-ish 3.48%, ndërsa në vitin 2024, 3.33% e Prodhimit të Brendshëm Bruto.
Në dokumentin e publikuar në Fletoren Zyrtare, thuhet se priortiet për periudhën afatmesme është financimi i shërbimeve shëndetësore, rritja e kosto-efektivitetit të listës së barnave e pajisjeve me rimbursim apo financimi i paketave të miratuara të shërbimit spitalor në spitalet publike e jopublike. Gjithashtu, priortiet do të jetë edhe financimi i shërbimit të check-up për të paktën 50% të numrit të shtetasve të moshës 35-70 vjeç.
Ndërkaq, mesa duket qeveria planifikon të vijojë blerjen e vaksinave anti-covid 19 për të mundësuar vaksinimin masiv të popullsisë, duke rrëzuar mundësinë e blerjes së këtyre vaksinave nëpër farmaci nga vetë qytetarët. Sa i takon investimeve publike gjatë periduhës 2022-2024 përveç punimeve të nisura, parashikohen edhe investime në objekte të reja, sikurse është rikosntruksioni i Qendrës Kombëtarë të Transfuzionit të Gjakut, Spitali i Matit, Spiatli Psikiatrik Elbasan, Spitali Rajonal i Gjirokastrës apo Spitali Rajonal i Korçës.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.