Më shumë energji nga impiantet diellore – 3-mujori i II/ U prodhua 24.5% më shumë se vjet. Shifra modeste, në raport me prodhimin total
Energjia e prodhuar nga impiantet diellore në 3-mujorin e dytë të vitit pësoi rritje në raport me të njëjtën periudhë të një viti më parë. Sipas të dhënave nga Instituti i Statistikave në vend, për periudhën prill-qershor të këtij viti, nga centralet fotovolatike u prodhua në total 13 106 Mwh apo 24.5% me shume se sasia prej 9 900 Mwh e prodhuar në të njëjtën periudhë të vitit të kaluar. Por, ndonëse sasia totale e prodhuar është në rritje, në raport me prodhimin total të energjisë energjia diellore mbetet në nivele tejet të ulta, duke përbërë vetëm 0.49% të energjisë totale të gjeneruar në vend. Në të njëjtën periudhë të një vitit më parë, energjia e prodhuar nga impinatet fotovoltaike përbënte 0.60% të energjisë totale, ndërkohë që rënia e peshës totale mund të shpejgohet me rritjen e ndjeshme që pësoi prodhimi nga hidorcentralet.
Për vitin 2021 asnjë impiant i ri nuk i është shtuar kapaciteteve prodhues nga dielli, teksa aktualisht, kapaciteti total i impanteve diellore të instaluar arrin në 21 MW. Ajo ajo që pritet të sjellë një impakt të madh në këtë drejtim është pikërisht ndërtimi i parkut fotovoltaik të Karavastasë, me një fuqi të instaluar prej 140 MW. Por, ndonëse autoritetet kanë deklaruar disa herë se nisja e punimeve për këtë park është gati, në terren ende nuk ka ndonjë zhvillim konkret. Paralelisht, është finalizuar edhe ankandi për ndërtimin e parkut fotovoltaik në Spitallë, që do të ketë një fuqi të instaluar prej 100 MW.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.