Më shumë “imunitet” për konsumatorët – 14 ditë afat për të kthyer mallin dhe për t’u rimbursuar
Konsumatorët kanë afat 14 ditë për të hequr dorë nga kontrata e lidhur me tregtarët, ndërsa nga ana e tyre, tregtarët kanë si detyrim të rimbursojnë shumën e paguar në po kaq ditë nga data e marrjes së njoftimit.
Këto nene janë shtuar në Projektligji i depozituar në Kuvend, “për disa shtesa dhe ndryshime në ligjin nr.9902, datë 17.4.2008 për mbrojtjen e konsumatorëve, të ndryshuar”, me anë të cilit Qeveria ka ndërmarrë një hap tjetër për t’u krijuar më shumë mbrojtje konsumatorëve shqiptar në të gjithë sektorët.
Drafti në fjalë synon fuqizimi i konsumatorëve nëpërmjet informimit të tyre për shitjet dhe shërbimet që ofrohen në treg, si dhe një mbrojtje më e madhe për ta, duke siguruar që mosmarrëveshjet ndërmjet tyre dhe tregtarëve të trajtohen nga struktura jashtëgjyqësore, që ofrojnë procedura të zgjidhjes alternative të mosmarrëveshjeve, të paanshme, transparente, efektive dhe të drejta, pa i kufizuar të drejtën konsumatorëve për t’iu drejtuar gjykatës, duke kontribuar, kështu, në funksionimin e mirë të tregut të brendshëm.
Për këtë qëllim, projektligji përcakton autoritetet kompetente për adresimin e këtyre mosmarrëveshjeve si ngritjen e strukturës ZAM që ofron zgjidhje alternative të mosmarrëveshjeve.
Një tjetër nen në projektligj parashikon dorëzimin e mallit në një afatin 30-ditor, në të kundërt konsumatorit i lind e drejta të prishë mund të zgjidhë kontratën.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.