Më shumë pako me postë brenda, sesa nga jashtë! AKEP: Rriten 13% shërbimet universale postare brenda vendit, bien ndërkombëtaret
Viti 2021 ka shënuar një rritje të fortë të shërbimeve postare brenda vendit në raport me dërgesat jashtë kufijve. Autoriteti i Komunikimeve Elektronike dhe Postare raporton rritje të zërit postë brenda vendit, në shërbimin universal postar, në T3_2021 krahasuar me T2_2021 konkretisht me rreth 3%, nëse krahasojmë të njëjtën periudhë me atë të një viti më parë, rritja është më e lartë rreth 13%.
Në lidhje me zërin postë ndërkombëtare të ofruesit të shërbimit universal, kemi një rënie si për periudhën T3-2021 krahasuar me T2-2021, ashtu edhe për T3-2021 krahasuar me T3-2020. Në lidhje me shërbimin jo-universal postar të Postës Shqiptare, shikojmë një rritje me 74.1% të zërit postë brenda vendit në T3-2021 krahasuar me T2_2021 dhe një rënie të këtij zëri krahasuar me të njëjtën periudhë një vit më parë me rreth 38%. Zëri i postës ekspres
brenda vendit për Postën Shqiptare, rezulton me rritje krahasuar 3_2021 me T2_2021, si edhe konstatohet një rritje e këtij zëri krahasuar me të njëjtën periudhë një vit më parë. Zëri poste ekspres ndërkombëtare i PSH, ka pësuar rënie me rreth 10% gjatë T3_2021 krahasuar me T2_2021 dhe një rritje prej rreth 13% për T3_2021 krahasuar me T3_2020.
Ndërkaq, Zëri postë brenda vendit, në shërbimin jo-universal postar për ofruesit e tjerë të shërbimeve postare, rezulton me rënie si për T3_2021 krahasuar me T2_2021, ashtu edhe për të njëjtën periudhë krahasuar me një vit më parë.
Në lidhje me zërin, postë ndërkombëtare për ofruesit e tjerë te shërbimeve postare, kemi një rritje të konsiderueshme prej 107% në T3_2021 krahasuar me T2_2021, rritje e këtij zëri është evidentuar edhe nëse e krahasojmë me të njëjtën periudhë një vit më parë. Zëri ‘poste ekspres’ brenda vendit për ofruesit e tjerë, rezulton me rritje krahasuar T3_2021 me T2_2021, rritja evidentohet edhe nëse krahasojmë periudhën T3_2021 me T3_2020. Zëri postë ekspres ndërkombëtare, për ofruesit e tjerë të shërbimeve postare, ka rritje në T3_2021 krahasuar me T2_2021 dhe një rënie krahasuar me të njëjtën periudhë një vit më parë.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.