Më shumë punë për shtimin e gjeneruesve të energjisë / Kreu i ERE-s në Kuvend: Nevojitet edhe diversifikim, që të mos ndikohemi nga shirat
Rënia e prodhimit të energjisë gjatë vitit 2020 tregon se ka shumë punë për të bërë në drejtim të shtimit të burimeve gjeneruese, si dhe diversifikimit të tyre”. Deklarata u bë nga kreu i Enti Rregullator të Energjisë, gjatë raportimit në Kuvend, duke iu referuar shifrave të vitit të kaluar, sipas të cilave prodhimi i energjisë elektrike rezultoi 10% më i ulët sesa mesatarja 10-vjeçare për shkak të situatës jo të favorshme hidrike.
Prodhimi i energjisë për vitin 2020 u dominua nga Korporata Elektorneegjetike Shqiptare, me 58% të totalit, ndërsa pjesa tjetër u gjenerua nga HEC-et private dhe koncesionare.
Niveli i humbjeve në rrjetin e shpërndarjes për 12-mujorin arriti në 21.48%, duke shënuar një përmirësim të lehtë në raport me të njëjtën periudhë të vitit të kaluar, ku humbjet përllogariteshin në 21.79%.
Ola Mitre – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.