Mënyra e pazakontë e gatimit: Njihuni me kuzhinierin nga Nju Jorku!
Një shef i ri kuzhine në Nju Jork,duket se do të ndryshojë shumë në kulturën e të ushqyerit dhe shërbimeve. Qasja e tij ka të bëjë pikërisht me një kuzhinë larg asaj tradicionales,që në bazë ka produktet e mishit dhe të peshkut.
Joseph Yoon filloi të gatuante insekte katër vjet më parë për një projekt arti,e ndërsa tani qëllimi i tij është të ndryshojë perceptimet e njerëz ve në lidhje me ushqyerjen. Kështu sipas tij do të ketë dieta më të shëndetshme, të shijshme e plot vlera ushqyese.
“I dua absolutisht insektet. Fakti që ato janë kaq të ndryshme, fakti që ka kaq shumë lloje insektesh, fakti që ne mbështetemi kaq shumë tek insektet për ekosistemin dhe biodiversitetin tonë është absolutisht magjepsës”, ka thënë Yoon.
Ka më shumë se 2,100 lloje të insekteve të ngrënshme në botë, dhe ato vijnë në shije të ndryshme, të tilla si arra, agrume, djathë dhe kokos, thotë Yoon.
“Ajo që po përpiqem të bëj është t’u prezantoj njerëzve këtë kornukopi të mrekullueshme shijesh, tekstesh dhe idesh se si të gatuajnë me insekte të ngrënshme”, ka shtuar ai.
Insektet konsumohen rregullisht nga rreth 2 miliardë njerëz, sipas një raporti të vitit 2013 nga Organizata e Kombeve të Bashkuara për Ushqimin dhe Bujqësinë (FAO).
V . G / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.