Mercedes-Benz çon me pushime të detyruara 5600 punëtorë për shkak të mungesës së çipave!

Mercedes-Benz Group do të vendosë më shumë se pesë mijë punëtorë me pushime kolektive në dy fabrika në Brazil për shkak të mungesës së çipave gjysmëpërçues, tha kompania të hënën.

Ndërprerja e prodhimit do të ndodhë nga 18 prilli deri më 3 maj dhe përfshin 5,000 punonjës në fabrikën Sao Bernardo do Campo dhe 600 në fabrikën Juiz de Fora, që ndodhet në shtetet braziliane të Sao Paulo dhe Minas Gerais, respektivisht.

Mercedes tha se po rregullon prodhimin e saj të kamionëve, kabinave të kamionëve, shasisë së autobusëve dhe pjesëve të tjera të automjeteve për shkak të krizës globale të furnizimit me gjysmëpërçues.

Kompania kishte vendosur tashmë rreth 1,200 punëtorë në pushime kolektive me pagesë në mars për shkak të mungesës së zinxhirit të furnizimit, sipas sindikatës së punëtorëve të metaleve nga rajoni Sao Bernardo do Campo. RTS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.