Merkel dhe Macron në mbrojte të strategjisë së vaksinimit: “E ngadaltë por efektive”

Udhëheqësit kombëtarë të BE-së kanë filluar të ndjejnë pasojat e vonesave të vaksinave, të cilat gjithnjë e më shumë po shihen të ngecura në një proces tepër të kujdesshëm, të dëmtuar nga gabimet, dhe të ngadaltë.

Të tronditur nga këto, Angela Merkel dhe Emmanuel Macron ndien nevojën për të mbrojtur në mënyrë të qartë qasjen e bllokut këtë javë, pasi numrat e vaksinimit vazhdojnë të mbeten prapa atyre të vendeve të tilla si Izraeli, Britania e Madhe dhe SHBA.

Kancelarja gjermane pranoi të martën në mbrëmje se të tjerët po vaksinojnë më shpejt, por tha se strategjia e ngadaltë por kolektive e BE është e duhura. “Në tërësi, nuk mendoj se diçka ka shkuar keq,” tha Merkel.

Presidenti i Francës gjithashtu tha, në një paraqitje të papritur në TV të Martën, se përparimi “mund të duket i ngadaltë” krahasuar me vendet që kishin “bërë baste të tjera”. Por ai shtoi: “Unë mbroj strategjinë që kemi miratuar me Gjermaninë, me BE.”

Të dy përsëritën zotimin e tyre se një vaksinë do t’u ofrohej të gjithë të rriturve që e dëshironin atë deri në fund të verës. Shtetet anëtare të BE-së deri më tani kanë administruar në mënyrë kolektive të paktën një dozë në vetëm 3% të popullsisë, kundrejt 59% në Izrael, 15% në MB dhe 10% në SHBA.

Vendet e BE janë në faza të ndryshme në luftën e tyre me virusin, me disa, të tilla si Italia dhe Polonia, që po heqin kufizimet dhe të tjerë, si Gjermania dhe Holanda, duke i mbajtur ato, kryesisht për shkak të shqetësimeve në lidhje me variantet e reja të virusit.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.