Merkel e Macron, kundër hapjes së kufijve / Kritikojnë Greqinë për vizitorët e vaksinuar me Sputnik dhe CoronaVac
Angela Merkel dhe Emmanuel Macron, kritikuan Greqinë dhe vende të tjera të varura nga turizmi që kanë pranuar lirshëm vizitorët që kanë marrë vaksina më pak efektive si ato kineze dhe Sputnik e Rusisë, duke sinjalizuar mundësinë e ndalimit të udhëtimit përpara sezonit turistik. Gjatë një samiti të liderëve të Bashkimit Europian në Bruksel, kancelarja gjermane tha se vendet anëtare si Greqia kanë mirëpritur udhëtues që janë vaksinuar me injeksionin rus Sputnik, pavarësisht se nuk është miratuar nga agjencia rregullatore e Bashkimit Europian dhe është e paqartë nëse funksionon ndaj variantit më të rrezikshëm delta të koronavirusit. Këto vizitorë mund të lëvizin më pas lirshëm në zonën pa kufij të BE, tha Merkel ndaj liderëve, sipas personave me njohuri mbi bisedimet në dyer të mbyllura. Komentet e Merkel treguan alarmin në Berlin dhe vende të tjera të Bashkimit Europian mbi përhapjen e mutacioneve të rrezikshme të virusit, që mund të shkaktojnë një valë tjetër të shtrimit në spitale dhe vdekjeve, pavarësisht se Europa po nxiton të rinis turizmin dhe mbështesë ekonomitë në vështirësi.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.