Merkel paralajmëron: Gjermania, gati për të marrë përgjegjësi më të mëdha globale!
Gjatë vitit 2019, Gjermania do të marrë më shumë përgjegjësi në arenën ndërkombëtare dhe duhet t’u qendrojë bindjeve të saj. Ka qenë kjo deklarata e Kancelares gjermane Angela Merkel në në fjalimin e fundvitit. Kancelarja tha se siguritë e vjetra sa i përket bashkëpunimit ndërkombëtar kishin ardhur “nën presion”, duke aluduar për marrëdhëniet SHBA-Gjermani. Këtë vit, kancelarja dhe presidenti amerikan janë përplasur sa i përket politikës së jashtme e të brendshme gjermane.
“Për interesin tonë, ne duhet të marrim më shumë përgjegjësi”, tha udhëheqësja gjermane ,duke paralajmëruar se problemet globale si ndryshimet klimatike, migracioni dhe terrorizmi nuk mund të zgjidhen vetëm .Duke marrë një vend të përkohshëm në Këshillin e Sigurimit të OKB-së në 2019 dhe 2020, Gjermania do të këmbëngulë për “zgjidhje globale”, tha Merkel.
Kancelarja , e cila do të japë dorëheqjen në vitin 2021, premtoi të rriste shpenzimet e vendit për ndihmën humanitare, të zhvillimit dhe për mbrojtjen. Zonja Merkel gjithashtu duke bërë thirrje për solidaritet dhe bashkëpunim iu drejtua ndarjes së thellë politike të Gjermanisë, duke pranuar se qeveria e saj kishte hedhur poshtë qytetarët. “Ne vetëm do të zotërojmë sfidat e kohëve tona, nëse rrimë bashkë dhe bashkëpunojmë me të tjerët përtej kufijve”.tha Merkel.
Këtë vit, Merkel evitoi rënien e qeverisë së saj të koalicionit mbi një rrymë migrimi, e cila u rrit nga pranimi në Gjermani i më shumë se një milion emigrantëve dhe refugjatëve në vitin 2015.Pas rezultateve të dobëta të partisë së saj në zgjedhjet rajonale të këtij viti, Merkel njoftoi se do të largohet si kryetare e partisë, një pozicion që ajo ka mbajtur për 18 vjet.
Fjalimi i Vitit të Ri të Merkelit do të transmetohet më vonë të hënën.
Xh.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.