Merkel viziton Shqipërinë – Pritet me ceremoni shtetërore nga Kryeministri Rama, më pas takim kokë më kokë
Kancelarja Gjermane Angela Merkel ka zhvilluar të martën vizitën e dytë zyrtare në Tiranë, pak para largimit nga detyra. Ajo mbërriti në Rinas rreth orës 10, ku u prit nga ministrja e Jashtme, Olta Xhaçka, ambasadori gjerman në Tiranë, Peter Zingraf dhe ambasadori i Shqipërisë në Gjermani, Artur Kuko.
Më tej, delegacioni I kryesuar nga Kancelarja udhëtoi drejt Tiranës, për të ndalur në Pallatin e Brigadave, ku u prit nga Kryeministri I vendit Edi Rama në një ceremoni shtetërore.
Dy zyrtarët e lartë rezpektuan rregullat kujdesit për shkak të pandemisë, ndërsa u përshëndetën me një takim të grushteve. Më tej, siç përcakton protokolli, u ekzekutuan dy himnet kombëtare, ai i Shqipërisë dhe i Gjermanisë.
Pas ceremonisë, Rama dhe Merkel u futën brenda Pallatit të Brigadave, ku zhvilluan edhe një takim kokë më kokë. Takim që u pasua edhe nga një mbledhje mes dy delegacioneve. Më tej, Kancelarja Gjermane u nis drejt Tirana Busines Park për një takim me liderët e rajonit.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.