Mes luftës së ashpër në Kiev, Rusia dhe Ukraina sinjalizojnë mundësinë e bisedimeve!
Forcat ruse dhe ukrainase u përleshën në periferi të kryeqytetit ukrainas të shtunën, ndërsa autoritetet u kërkuan qytetarëve të ndihmojnë në mbrojtjen e qytetit nga avancimi i forcave ruse në krizën më të keqe evropiane të sigurisë në dekada.
Zjarri i rëndë, i shpeshtë i artilerisë dhe të shtëna intensive me armë zjarri, me sa duket në një distancë nga qendra e qytetit, mund të dëgjoheshin në Kiev në orët e para, tha një dëshmitar i Reuters. Ushtria ukrainase tha se trupat ruse sulmuan një bazë ushtarake në një rrugë kryesore të Kievit, por sulmi u zmbraps.
Por edhe pse luftimet u bënë më intensive, qeveritë ruse dhe ukrainase sinjalizuan një hapje ndaj negociatave, duke ofruar dritën e parë të shpresës për diplomacinë që kur presidenti rus Vladimir Putin filloi pushtimin të enjten.
Pas javësh paralajmërimesh nga udhëheqësit perëndimorë, Putin lëshoi të enjten një pushtim trepalësh të Ukrainës nga veriu, lindja dhe jugu, në një sulm që kërcënoi të përmbyste rendin e Europës pas Luftës së Ftohtë.
Putin thotë se Ukraina, një komb demokratik me 44 milionë banorë, është një shtet i paligjshëm i skalitur nga Rusia, një pikëpamje që ukrainasit e shohin si synim për të fshirë historinë e tyre më shumë se mijëravjeçare.
Por mes kaosit të luftës erdhi një rreze shprese. Një zëdhënës i Zelenskiy tha se Ukraina dhe Rusia do të konsultohen në orët e ardhshme për kohën dhe vendin e bisedimeve.
Kremlini tha më herët se ofroi të takohej në kryeqytetin bjellorusi Minsk pasi Ukraina shprehu gatishmërinë për të diskutuar për ta shpallur veten një vend neutral, ndërsa Ukraina kishte propozuar Varshavën si vend. Kjo, sipas zëdhënësit rus Dmitry Peskov, rezultoi në një “pauzë” në kontakte.
Por zëdhënësi i Departamentit të Shtetit të SHBA, Ned Price tha se oferta e Rusisë ishte një përpjekje për të kryer diplomaci “në tytën e armës” dhe se ushtria e Putinit duhet të ndalojë bombardimin e Ukrainës nëse është serioze për negociatat. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.