Mësuesit e së nesërmes – “Çudisin” ekspertët: “Robotët mund të zëvendësojnë punën e arsimtarëve deri në vitin 2027!”

Robotët do të jenë mësuesit e së nesërmes?! Ata mund të zëvendësojnë mësuesit deri në vitin 2027.

Kjo ka qenë deklarata e guximshme e Anthony Seldon, ekspert i arsimit britanik, bërë në Festivalin e Shkencës Britanike.

Seldon mund të jetë i pari që vendos një afat specifik për automatizimin e arsimit, por nuk është i pari që vë në dukje potencialin e teknologjisë, për të zëvendësuar punën e bërë nga njeriu.

Nëse “robotët” marrin formën e programeve kompjuterike inteligjente (IA), hulumtimet sugjerojnë se teknologjia do të automatizojë një pjesë të madhe të vendeve të punës në mbarë botën, duke ndërhyrë në ekonominë globale dhe duke lënë miliona persona të papunë.

“Por disa prej punëve janë ende pjesë e debatit”. Disa ekspertë kanë sugjeruar se sistemet autonome po na zëvendësojnë në punë, të cilat për njerëzit konsiderohen të papërshtatshme, të mërzitshme apo edhe të rrezikshme.

Kjo tashmë po ndodh. Robotët pastrojnë vendet e fatkeqësive bërthamore dhe kryejnë punë ndërtimore. Megjithatë, punët e zyrës nuk mbeten “imune” ndaj blerjes së robotëve: pasi makinat po zëvendësojnë ekspertë financiarë dhe disa profesione të tjera.

Kërkesat ekskluzive për mësuesit e shkollave fillore dhe të mesme e bëjnë këtë pozicion të ndryshëm në shumë e shumë vende. Nxënësit mësojnë ndryshe dhe një mësues i mirë duhet të përpiqet të japë mësimin në atë mënyrë që nxënësi ta përvetësojë.

Disa madje mund të kenë probleme të sjelljes apo probleme psikologjike, gjë që mund të  pengojnë dhe komplikojnë këtë proces.

Të tjerë mund të kenë prindër që janë shumë të përfshirë, ose nuk janë përfshirë sa duhet në arsimimin e tyre.

Mësimdhënësit efektivë duhet të jenë në gjendje të kalojnë në këto pengesa, duke përmbushur kërkesat e kurrikulave që shpesh herë ndryshojnë.

“Krijimi i mësimdhënësve “robotikë” të aftë për të përmbushur të gjitha këto kërkesa, mund të jetë një sfidë, por në fund, këto subjekte të përmirësuara të “Inteligjencës Artificiale” mund zgjidhin problemet tona më të përhapura dhe sistematike në arsim”, nënvizojnë ekspertët…

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.