“Mësuesit larg rryshfetit” – Rama garanton nxënësit, Basha uron për të ardhme më të mirë
“Trupa mësimorë aktuale është e mbrojtur nga ndërhyrjet politike dhe ryshfeti”. Kështu është shprehur kryeministri Edi Rama, i cili ka zgjedhur shkollën “Servete Maçi” në kryeqytet të rindërtuar nga themelet, për të ndarë mesazhin se paralelisht me investimet në infrastrukturën shkollore, po investohet edhe një një staf të kualifikuar dhe larg ndikimeve të flamujve të partive.
Ndërsa, Kryedemokrati Lulzim Basha ka uruar nisjen e vitit të ri shkollor, përmes një postimi në rrjete sociale, ku uron të gjithë nxënësit për një vit të mbarë, ndërsa shkruan se lulet që mbajnë sot vogëlushët në duar janë simboli i shpresës dhe besimit tek një e ardhme më e mirë për të gjithë fëmijët e Shqipërisë, që nuk do të vonojë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.