“Mësuesit nuk paguhen për orët shtesë”. Vokshi akuzon qeverinë dhe kërkon trajtim me dinjitet të arsimtarëve

Partia Demokratike i kërkon qeverisë të paguaj orët shtesë të punës për mësuesit. Në një deklaratë për mediat, ish deputetja Albana Vokshi hedh akuza se po bëhët thjesht propagandë duke i lënë mësuesit në vështirësi.

Partia Demokratike akuzon qeverinë për shfrytëzimin e  mësuesve duke mos i paguar për orët shtese të punës. Ish deputetja  Albana Vokshi, në një deklaratë për mediat  thekson se krahas mungesës së pagesës  për oraret e tejzgjatura për shkak të situatës së pandemisë ,  mësuesit po përballen edhe më mungesën e kushteve të punës, ajo  i kërkon qeverisë të trajtojë me dinjitet mësuesit.

“Të nënvlerësuar, të nëpërkëmbur dhe të keqtrajtuar qeveria i detyron të punojnë si skllevër, pa i paguar mësuesit për të gjitha orët shtesë të punës Për shkak të pandemisë, i kanë detyruar të punojnë dyfishin e normës së tyre.

Një mësues jep mbi 40 orë mësim në një javë në kushte të vështira, me maskë, me stres, pa kushtet minimale të sigurisë, pasi në shkolla nuk ka ujë, as dezinfektantë. Dhe në fund të muajit, mësuesit nuk paguhen për mundin e tyre”, deklaroi Vokshi.

Sipas Vokshit,  me ardhjen e PD në pushtet  mundi i mësuesve do të shpërblehet  dhe cilësia e arsimit do të rritet

“Mësuesit do të trajtohen me dinjitetin e duhur nga qeveria e Partisë Denokratike. Çdo orë mësimi do të paguhet! Mundi i tyre do të shpërblehet, në mënyrë që shkollat tona publike të kenë cilësinë më të mirë të mësimdhënies!” – shprehet ish-deputetja e PD.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.