“Mësuesja e menaxhimit të pandemisë” – Gjermania po kalon një valë të dytë të fortë, arrin një milion raste Covid

Gjermania kaloi pragun e një milion njerëzve që rezultuan pozitivë për COVID-19 të Premten, ndërsa vendet e tjera Evropiane zbutin me kujdes kufizimet e tyre.

Globalisht, më shumë se 60 milion raste të COVID-19 janë numëruar që nga fillimi i pandemisë, dhe gati 1.4 milion njerëz kanë vdekur prej saj.

Ndërkohë, një ish aeroport në Berlin po përgatitet të bëhet një qendër vaksinimi kundër virusit nga mesi i dhjetorit.

Gjermania është konsideruar prej kohësh një nga mësuesit më të mirë të Evropës në menaxhimin e epidemisë. Por është goditur rëndë nga vala e dytë. Të premten, ishin deklaruar 1,006,394 raste (22,806 në 24 orët e fundit) dhe 15,586 vdekje (426 në 24 orët e fundit).

Vendi tani do të zgjasë kufizimin e tij COVID-19 deri në fillim të janarit, njoftoi Angela Merkel të mërkurën. Këto përfshijnë mbylljen e bareve dhe restoranteve dhe kufizimin e tubimeve.

D.B – SCAN
Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.