Meta: Kërkesat e studentëve të drejta. Zëri i tyre duhet të dëgjohet nga të gjithë
“Duhet reflektuar me shpejtësi ndaj protestës së studentëve që po zhvillohet në disa qytete. Mendoj se ka një konsensus të gjerë publik që i konsideron kërkesat e tyre si të drejta, legjitime dhe të realizueshme.”
Kështu është shprehur presidenti i vendit, Ilir Meta, gjatë fjalimit të mbajtur në ceremoninë e diplomimit të studentëve të Akademisë shqiptare të Studimeve Politike, ndërsa ka shtuar më tej se Kuvendi mund të reflektojë mbi një bashkëpunim gjithëpërfshirës në plotësimin e kërkesave.
“Unë kam besim se Kuvendi i Shqipërisë do të reflektojë për një bashkëpunim gjithëpërfshirës me qëllim plotësimin e këtyre kërkesave të drejta në interesin më të mirë jo thjesht të studentëve, por në radhë të parë në interesin më të mirë të të gjithë vendit.”
Sipas tij, tashmë vëmendje duhet të përqendrohet tek rinia, si pasuria më e madhe e vendit, duke shtuar se pa bërë një ndryshim të ndjeshëm dhe afatgjatë në kapitalin njerëzor, rritja ekonomike do të jetë më e vështirë.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.