Meta “rrëzohet” për herë të tretë – Bie kandidatura e Milos për kreun e KLSH

Mazhoranca  në Komisionin Parlamentar të Ekonomisë dhe Financave rrëzoi edhe kandidaturën e tretë të propozuar nga Presidenti i Republikës për kreun e Kontrollit të Lartë të Shtetit. Fillimisht kandidati Petraq Milo shprehu vizionin e tij për këtë post, ku theksoi se ka vend për përmirësim të auditeve financiare dhe të performancës.

Por Shërbimi i Monitorimit të Kuvendit,ka listuar një sërë arsyesh për të cilat kandidatura e Milos nuk është e përshtatshme për kreun e KLSH. Por të gjitha këto rezerva, janë hedhur poshtë nga z.Milo, i cili ka dhënë përgjigje për secilën prej tyre.

Në fund, mazhoranca ka votuar kundër kandidaturës së Milos, duke theksuar disa herë se vendimi nuk është politik, ndërsa opozita ka votuar pro.  Vendimi i Komisionit do të kalojë për miratim në seancë plenare, ndërsa më herët janë rrëzuar kandidaturat e Vitore Tushës dhe Bahri Shaqirit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.