Reagojnë krerët e shtetit: Trishtim për ndarjen e parakohshme nga jeta të gazetarit të mirënjohur Artjan Tepelena!
Presidenti i Republikës, Ilir Meta, ka reaguar në rrjetet sociale për ndarjen nga jeta të gazetarit Artjan Tepelena. “Trishtim për ndarjen e parakohshme nga jeta të gazetarit të mirënjohur Artjan Tepelena, i cili humbi sot betejën me COVID-19. Ngushëllimet më të sinqerta familjarëve, miqve dhe komunitetit të gazetarëve! Me kontributin e tij të gjatë dhe të pazëvendësueshëm në media, Artjan Tepelena do të kujtohet si lektori dhe shembulli i duhur i brezave të rinj të gazetarëve shqiptarë, në mbrojtje të fjalës së lirë dhe kundër konformizmit në profesion,” shkruan Meta. Të prehet në paqe!”, shkruan Presidenti i Republikës, Ilir Meta në rrjetet sociale.
Ndërkaq Sali Berisha shkruan në rrjetet e tij se sociale se: “Homazhe per Artjan Tepelenën! Miq, fjala e lire dhe mediat humben nje kalores fisnik te tyre. Gazetari i mirënjohur dhe njeri nga personalitetet dhe themeluesit e shquar te gazetarise se lire, profesionistet me dinjitoz dhe me te afte te fushës, Artjan Tepelena mbylli shume para kohe sytë përgjithmonë. Artjan Tepelena gjate karrierës se tij si gazetar i talentuar drejtoi me perkushtim te veçante dhe sukses te plote rrjetet kryesore radiotelevizive kombetare dhe private te vendit. Ai mbështeti pa lëkundje zhvillimet demokratike dhe me emisionet e drejtuara prej tij dha ndihmese te çmuar ne informimin me transparence dhe vërtetësi te publikut shqiptar ne tërësi por edhe ne zbulimin dhe denoncimin e krimeve te diktaturës komuniste. Artjan Tepelena ishte gjithashtu një qytetar, bashkëshort dhe prind shembullor dhe nje mik i dashur e i çmuar per virtytet e tij te spikatura per te gjithë ata qe kane patur fatin te gëzojnë miqësinë e tij. Duke shprehur mirënjohjen me te thelle per kontributin e tij te çmuar, shpreh dhimbjen dhe ngushëllimet e mia me te ndjera familjes, miqve e te afërmve per Artjanin e tyre te dashur dhe lutem se bashku me ta qe shpirti i tij i mire te gjeje paqen e merituar. Amin! “
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.