Metodat e pagesave në Britani – Cash-i në vend të dytë, teknologjia pa kontakt nxit kartat e debitit
Konsumatorët britanikë kanë bërë 13.2 miliardë pagesa me karta të debitit në vitin 2017, krahasuar me 13.1 miliardë transaksione në para cash. Kjo është hera e parë që pagesat me karta debiti tejkalojnë paranë cash, si metoda më e frekuentuar e pagesave në Mbretërinë e Bashkuar, sipas shoqatës tregtare “U.K Finance”.
Blerjet online, smartphonat dhe teknologjia e pagesave pa kontakt, kanë qenë faktorë që kanë nxitur këtë zhvendosje, ndërkohë popullariteti i metodës së fundit është përshkruar si nxitës themelor i zgjerimit të kartave të debitit.
Numri i pagesave pa kontakt, për karta debiti dhe krediti, është rritur me 97% vitin e kaluar, duke arritur në 5.6 miliardë, ndërkohë që 63% e njerëzve në Mbretërinë e Bashkuar e përdorin tashmë si teknologji.
Kjo mundëson kryerjen e pagesave duke prekur kartën e debitit apo të kreditit në një lexues.
Në fund të vitit të kaluar, ekzistonin në qarkullim thuajse 119 milionë karta pa kontakt, me 78% e kartave të debitit që e kishin këtë funksion. Për kartat e kreditit, shifra qëndronte në 62 %.
Nga ana tjetër, pagesat nëpërmjet parasë cash’, ranë me 15% vitin e kaluar, edhe pse qëndron metoda e dytë më e frekuentuar pas kartave të debitit.
Në 5 vitet e ardhshme, volumi i pagesave me karta të debitit pritet të rriten me 49% në 19.7 miliardë pagesa në vitin 2027. Te kjo shifër, pagesat pa kontakt do të zënë 36%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.