Migen Qiraxhi për ’60 minuta’: Universitetet në Shqipëri janë “gjimnaze të avancuar”, asnjë kërkim shkencor
Emisioni ’60 minuta’, për të diskutuar mbi gjendjen e arsimit dhe ekonominë e këtij sektori para dhe gjatë pandemisë, ka zgjedhur të përballë në studio Migen Qiraxhin, një ndër themeluesit e Qëndresës Qytetare, një OJF që ka në qendër të vëmendjen studentët dhe arsimin, me Olti Rrumbullakun, Zv. Ministrin e Arsimit,
Z. Qiraxhi ka theksuar se në 6 universitete janë shpenzuar 2 milion euro për sisteme informatike, por ndërkohë këto universitete kanë pasur vështirësi për mësimin online përgjatë pandemisë. Mbi tarifat, Z. Qiraxhi ka theksuar kërkesën e studentëve për të anuluar pagesat universitare, në një kohë kur kriza financiare për shkak të pandemisë ka kapluar pothuajse të gjithë studentët.
“Universitetet paguajnë 300 mijë euro në vit bileta avioni, por nuk ulin ose zerojnë tarifat, në një kohë kur kostot logjistike, si drita ujë, telefoni etj janë ulur për universitetet”
Pasi ka përmendur abuzimet me fondet në universitete, Migen Qiraxhi ka nënvizuar perceptimin se universitetet në Shqipëri janë si gjimnaze të avancuara, për shkak se prodhojnë 0 kërkim shkencor në vit.
D.B – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.