Mijëra turistë janë bllokuar në ishujt e grekë si pasojë e grevës së trageteve
Ishujt grekë si Mykonos, Santorini dhe Kreta u prekën nga greva, të cilët janë destinacionet më të preferuar për turistët britanikë. Ekuipazhi PNO i konfirmoi tragetet se nuk do të largohen nga porti deri në orën 6 ditën e mërkurë, sipas Associated Press. Protesta mund të vazhdojë deri në një afat të pacaktuar nëse nuk arrihet një marrëveshje mbi rritjen e pagave prej pesë për qind dhe duke paguar në kohë tatimet. Mendohet se 180 mijë pushues mund të preken në këto ishuj si pasojë e mosmarrëveshjeve nga Ekuipazhi PNO.
Gjithashtu, greva përfshin rreth 50.000 automjete private dhe 3,000 kamionë që ndihmojnë në furnizimet dhe prodhimet vendase, sipas Shoqatës së Pronarëve të anijeve greke për anijet e pasagjerëve (SEEN).
Disa nga ishujt e prekur nga greva nuk kanë aeroporte vendase, që do të thotë se nuk ka ndonjë metodë tjetër për t’i lënë ato. Mykonos, Santorini dhe Kreta të gjithë kanë aeroportet që turistët mund të përdorin për t’u larguar nga ishujt.
Pasagjerët të cilët janë të prekur nga greva mund të kërkojnë një rimbursim dhe duhet të kontaktojnë agjentët e tyre të udhëtimit. Turistët të cilët u prekën u morën në mediat sociale për t’u ankuar për problemet.
Një turiste shkroi në rrjetin social twitter: “Kjo është vërtet qesharake ne kemi nevojë për një traget për të shkuar në destinacionin tonë”. Një tjetër turist shkruan: “Unë jam i bllokuar nga greva në ishullin e Santorinit dhe me sa duket po diskutohet se do e kaloj natën ende në këtë ishull, dhe nuk ka ndonjë zgjidhje të situatës”.
Kjo grevë u bë shkak si pasoj e mos rritjes së pagave qysh para tetë vitesh, që kur Greqia u përfshi në një krizë të thellë financiare. Turizmi në Greqi po vazhdon të rritet nga vit në vit, me rreth 32 milion turistë për të vizituar Greqinë.
Shumë ishuj po luftojnë nën rritjen e turistëve që vizitojnë, veçanërisht në muajt e verës. Disa prej ishujve në zonat rurale nuk janë bërë për të siguruar pushuesit me mungesë të rrugëve dhe akomodimit. Politikani grek dhe ambientalisti Nikos Chrysogelos i tha Guardian: “Ka një rrezik që infrastruktura të mos jetë ende gati, të gjitha duhet të realizohen sipas një plani nëse përqendrohemi vetëm në numra dhe nuk shikojmë në zhvillimin e një modeli më të qëndrueshëm të turizmit”.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.