Milano, fillon revolucionin e transportit të gjelbër: “Pandemia e koronavirusit ka ndryshuar sjelljen e komunitetit ndaj mjedisit”
Për tu çuditur, nga qendra europiane e tragjedisë së koronavirusit, Milano po përgatitet të bëhet kryeqyteti i Evropës për sa i përket lëvizjes së gjelbër. Dhe projektet e revolucionit të gjelbër kanë përfunduar në faqet kryesore të të gjitha vendeve kryesore në botë.
Kryetari i Bashkisë Giuseppe Sala sqaron se njerëzit janë të gatshëm për një ndryshim rrënjësor nga ky këndvështrim, dhe po përgatit planet të elektrizojë të gjithë transportin publik deri në vitin 2030.
Këtë të hënë, ditën e parë pa bllokun e trafikut, kur qyteti filloi një hapje të ngadaltë, të kujdesshme, nga izolimi i gjatë, Sala ishte optimist se ajri më i pastër dhe rrugët më të qeta mund të bëhen dy faktorë mjaft të rëndësishëm për të ndryshuar sistemin e transportit të qytetit. “Unë nuk mund të them që ne tani kemi një mundësi në këtë pandemi” – tha kryebashkiaku Sala për Fondacionin Thomson Reuters – sepse është e vështirë të shqiptosh fjalën mundësi kur zyrtarisht kishim 1.200 vdekje. Por tani besoj se njerëzit janë të gatshëm për të ndryshuar qëndrimin dhe sjelljen e tyre.”
Dhe revolucioni – i cili me të drejtë mund të fillojë vetëm nga sjellja e individëve, tani mund të ecë shpejt përpara sepse sipas disa hulumtimeve nga komuniteti, 70% e milanezëve tani janë në dispozicion për të pranuar transformimin e diçkaje si 35 km rrugë për përdorim prioritar të biçikletave dhe këmbësorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.