Miliardat e gjyqësorit për vitin 2022 – Kreu i KLGJ: 1.3 milionë dosje kanë zënë ambientet, kemi gati planin për reduktimin e gjykatave
Këshilli i Lartë Gjyqësor është një prej organeve më të buxhetuar për vitin 2022. Kreu I Këtij Organi Naureda Llagami ka paraqitur në Kuvend Projektbuxhetin për vitin 2022, i cili arrin në rreth 45 milionë dollarë, 10 milionë më pak nga sa KLGJ kishte kërkuar.
Ajo foli në komision për nevojat për investime, ku kryesorja ka të bëjë me arkivin gjigant të gjykatave, i cili arrin në 1.3 milionë dosje, të cilat kanë nisur tashmë të zënë ambientet.
Gjatë debateve me deputetët e opozitës Llagami i parapriu edhe hartës së re gjyqësore, e cila sipas KLGJ parashikon grumbullimin e apeleve në një të vetëm, dhe grumbullimin e gjykatave të shkallës duke reduktuar numrin e tyre.
Gjyqësori është një tjetër organ që ashtu si prokuroria po vuan shkarkimet nga Vetting-u, të cilat janë edhe shkaku kryesor I reduktimit të gjykatave.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.