Miliarderi italian fitoi 100 milionë dollarë në ditë pas zbulimit të testit më të shpejtë për koronavirus/ Njihuni me kompaninë që ai drejton, DiaSorin
DiaSorin, një kompani bioteknike e kontrolluar nga sipërmarrësi Gustavo Denegri, njoftoi të martën se kishte përfunduar studimet mjekësore për një pajisje të re, më të shpejtë të testimit për koronavirusin COVID-19. Aksionet e firmës u rritën me 18% në 135$ për aksion pas njoftimit. Denegri, i cili zotëron 45% të firmës veriore të Italisë, i shtoi afro 100 milion dollarë pasurisë së tij prej 3.2 miliardë dollarësh.
DiaSorin thotë se testi, i cili u zhvillua në spitalet në Romë dhe qytetin verior italian të Pavias, do të shkurtojë kohën e testimit nga shtatë orë në vetëm një orë, duke lejuar një testim shumë më të shpejtë të pacientëve të dyshuar për koronavirus. Në një njoftim për shtyp, kompania deklaroi se testi do të jetë i gatshëm për përdorim në fund të marsit 2020, pasi të marrë miratimin nga rregullatorët evropianë dhe Administrata e Ushqimit dhe e Barnave të SHBA-së.
E themeluar në Saluggia, Itali në vitin 1968, DiaSorin bën teste diagnostikuese për sëmundje të ndryshme infektive, përfshirë gripin e derrit H1N1 dhe virusin Zika. Në vitin 2000, Denegri mori biznesin nga prodhuesit e instalimeve hidraulike të Kompanive Standarde Amerikane përmes firmës së tij të kapitalit privat, IP Investimenti e Partecipazioni. Kimisti i trajnuar, i cili ende drejton kompaninë, rigjallëroi totalisht kompaninë. Firma tani punëson 2.000 njerëz dhe operon në gjashtë qendra prodhuese në tre kontinente.
Kjo nuk është hera e parë që DiaSorin i është përgjigjur me shpejtësi një shpërthim virusi. Ai mori autorizim urgjent nga FDA për kutitë e testimit të shpejtë për gripin e derrit H1N1 në dhjetor 2009, dhe për virusin Zika në prill 2017.
Dosti Banushi /SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
