Milva Ekonomi, në ‘Argument’: ”Shohim një tendencë të plakjes globale, si pasojë e zhvillimit teknologjik dhe ekonomik”
Deputetja e PS, Milva Ekonomi, ishte pjesë e panelit, të enjten në mbrëmje, në ‘Argument’ për të diskutuar rreth një ndër fenomeneve më shqetësues, që ka prekur vendin, atë të uljes së lindshmërisë. Por, sipas këndvështrimit të deputetes Ekonomi, situata sot nuk është alarmante, por është një problem që ekziston prej kohësh, i cili nuk prek vetëm Shqipërinë, por gjithë Europën, ku shohim një tendencë të plakjes globale.
‘’ Zhvillimi teknologjik dhe ai ekonomik, kanë sjellë plakje të popullsisë, në gjithë botën. Gropën që kemi tani përsa i përket lindjeve, do e ndjejmë akoma më shumë pas 20 viteve. Sigurisht që një shkak, që sjell rritjen e këtij fenomeni, është dhe dëshira për të emigruar, ku Shqipëria renditet, vendi i dytë, me numrin më të lartë në Ballkan. Kemi marrë një sërë politikash sociale, për të goditur këtë problem, por rezultatet duhet të presim t’i shohim pas disa vitesh. Ajo që është e rëndësishme, është të ruajmë rezultatet pozitive që kemi arritur, dhe të përpiqemi të përmirësohemi edhe më’’- është shprehur Ekonomi, në ‘Argument’.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.