‘Mini-lockdowne” , strategjia do të të aplikojë Italia nëse infektimet nuk bien në ditët në vijim!
Për të kuptuar se çfarë na pret në javët e ardhshme, duhet të marrim në konsideratë ekspertët e shëndetësisë për të kuptuar se cilët janë skenarët e mundshëm të ecurisë së virusit pas valës së parë dhe verës relativisht të qetë. Kështu shkruan “ilsole24ore” ndërsa analizon situatën në Itali dhe atë se çfarë mund të ndodhë atje në ditët e javët në vijim.
Skenaret
Në skenarin e një rreziku shumë të lartë, ndërhyrjet që duhen bërë për të kontrolluar kurbën e infektimeve janë shumë të qarta: zonat e kuqe në ‘lockdown të përkohshëm’ (2-3 javë) dhe rihapje vetëm me uljen e indeksit të infektimit, ndërprerjen e aktiviteteve sociale me rrezik të lartë si dhe mundësia e ndëprerjes së lëvizjes ndër-rajonale. Nëse situata do të përkeqësohet, atëhere nis skenari i tretë, ai shtrirjes së mbylljes në nivel kombëtar me një kohëzgjatje që duhet përcaktuar nga epidemiologët.
Synohet mbylljet e pjesshme
Masat që po mendon të marrë Italia aktualisht janë mbyllja e zonave të caktuara ku virusi duket se është më i përhapur, në pritje për të parë pas ditë ditësh nëse kjo masë do të japë efekt. Jo rastësisht, konsulentët e ministrisë së Shëndetësisë në Itali kanë konfirmuar se ka zona me qarkullim të lartë të virusit, nga Milano në Napoli, ku mund të infektohesh edhe thjesht duke shkuar në një lokal. Ndaj, ‘mini-lockdown-et’ e zonave të caktuara janë një opsion që po merret në konsideratë.
Hipoteza me të cilën po punohet është pra ajo e mbylljeve të caktuara për të evidentuar dhe neutralizuar asimptomatikët dhe super-shpërndarësit që nddhen mes tyre, shkruhet në artikull.
Marrë me shkurtime nga Ilsole24ore/ Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.