Mini-zemrat në laborator/ Revolucion në studimin e sëmundjeve kardiovaskulare

Zemrat miniaturë të marra në laborator, të ashtuquajturat kardioide, janë gati. Ato hapin rrugën për një revolucion në studimin e sëmundjeve kardiovaskulare dhe në riparimin e dëmtimeve të shkaktuara nga sulmet në zemër. Ato ilustrohen në studimin e botuar në revistën Cell nga studiues nga Instituti i Bioteknologjisë Molekulare të Akademisë Austriake të Shkencave, koordinuar nga Sasha Mendjan.

Sëmundjet kardiovaskulare, shpjegojnë ekspertët, janë shkaku kryesor i vdekjeve në botë. Këto zemra miniaturë, theksojnë autorët e studimit, mund të përfaqësojnë modele efektive fiziologjike për studimin e lezioneve ose keqformimeve kongjenitale të zemrës.

“Ne ishim në gjendje të merrnim në laborator indin e zemrës të aftë për të vetë-organizuar, në sajë të qelizave burimore, për të riprodhuar një organoid me karakteristika të ngjashme me ato fiziologjike, me struktura që i ngjajnë dhomave të zemrës dhe aftësinë për të rrahur”, shpjegoi Mendjan.

“Kardioidët ofrojnë një potencial të jashtëzakonshëm për studimin e defekteve kongjenitale të zemrës njerëzore. Një aspekt – përfundon ai – që do të lejojë përparim në mjekësinë rigjeneruese dhe në zbulimin e barnave të reja”. (ANSA)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.