Ministrat e BE-së mund të akordojnë 500 milion euro për koronavirusin – Ende asnjë marrëveshje konkrete
Ministrat e financave të eurozonës shpresojnë të bien dakord për akordimin e gjysmë trilioni euro ndihmë ekonomike për të financuar rimëkëmbjen nga epidemia e koronavirusit, një diskutim që ka shkaktuar përçarje ndërsa blloku lufton me shpërthimin.
Por ende nuk ka asnjë marrëveshje për lëshimin e borxhit të përbashkët, diçka që Spanja dhe Italia, vendet më të goditura më shumë nga sëmundja globale kanë kërkuar, por janë refuzuar nga Gjermania dhe Holanda më konservatore fiskalisht.
Lufta për të shmangur recesioni e thellë që pritet të shkaktojë pandemia në Europë këtë vit, e ka lënë jugun e sëmurë duke nxjerrë në pah mos shfaqjen e solidaritetit të mjaftueshëm nga vendet e tjera dhe hedhjen e kësaj si një provë ekzistenciale që mund të shpërbëjë BE-në.
Holanda, Gjermania dhe disa të tjerë janë kundër bashkimit të borxhit. Ata thonë se të gjitha vendet e zonës së euros ende mund të huazojnë me çmim të ulët në treg dhe kufijtë e BE për deficitet janë ngritur për pandeminë, kështu që nuk ka nevojë për krijimin e euro bonove tani, veçanërisht pasi kjo mund të zgjasë me vite.
Ministrat do të komunikojnë përmes video konferencës për të përgatitur një listë idesh për ndihmë të mëtejshme ekonomike që liderët e BE-së mund të miratojnë më pas. Pa asnjë marrëveshje për ndarjen e borxhit, ata do të përqendrohen në tre ose katër hapa që mund të merren më shpejt. (Reuters)
N.Xh / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.